1 Locale, 74 m²

**Hoi zäme!!**

Ich bin uf de Suechi noch eme WG-Buddy för mini 2er-WG.
Es isch e super schöni Altbauwohnig mit Fischgrätebode und mega viel Charme.
För e gmeinsami WG wönschi mir öpper, wo mer au mol öppis zäme chan unterneh, wenn d Ziit grad langed. Velecht mol an See, zäme choche, apèröle, en Filmobig und alles wo eus suscht so ifallt, wuhuu!!
Au mol Lüüt uf en gmüetleche Obig ilade entspricht mir sehr:)

**Zu mir:**
Ich bin d Jana (21) und studiere Grafikdesign.
Ich mache viel mit Kolleg*inne z.B käfele, dusse Sache mache oder au eifach en guete Schnäderobig. Sport machi mega gern, am liebste; Barreturne, Snowboarde, Mountainbike und Volleyball. Ich liebe zudem d Berge und bin ide Juba.
För es Zämeläbe ischs mer wichtig, dass mer kei Zwecks-WG händ, do ich aber au ab und zue öppis los han, bini nöd jede Obig glich ume. Ich lege Wert uf e suuberi Wohnig, eifach ime normaleRahme.

Da ich erscht grad sälber id Wohnig zoge bin, gründ ich somit e neui WG. Will im November leider viel Möbel vode Stube no abgholt werdet, froi ich mich zum mit dir zäme de Ruum izrichte und mol de eint oder anderi Trip ines Brocki z mache.
Dis Zimmer wird au unmöbliert si.

**Zude Wohnig:**
> 3-Zimmer Wohnig
> Wohnzimmer
> Chuchi
> Bad
> 2 Schlofzimmer
> Es Chällerabteil und en teilte Wöschruum gehöret au dezue.
De Bus isch öppe 100m entfernt und d Ichaufmöglechkeite sind 2 Bushaltestelle entfernt.

**>** D Adresse gib ich gern dene Lüüt, wo ich abmache zum besichtige. Es isch aber in Luzern richtig Emme.

Wenn du dich i dere WG gsehsch, mäld dich doch gern bi mir!! Schrieb gern, was du machsch und wie dini Freiziit so usgseht. Und wie stellsch du dir s WG-Läbe vor?
Und Füeg doch gern no de Discochugle-Emoji an Schluss vo dinere Nachricht, damit ich weiss, dass du bis zum Schluss gläse hesch:)

Froi mich druf vo dir z ghöre und dich persönlech kenne z lerne, ciao:)
jana