1 Locale, 15 m², 2. piano

Mir Shay (23gi) u Flo (18ni) sueche es Mitbewohni für üsi 3-er WG im Rosegartequartier zwüsche 18ni u 30gi.
D Wohnig isch sehr zentrau, viu Ichoufsmüglechkeite (Aldi, Lidl, Coop, Migros) i 5-10 Min mit ÖV. Am Bärn Bahnhof isch me oh i 15 Min mitem Bus.
D Wohnig isch sehr hell, mr hei e Abwäschmaschine, 2 Balkön, eine dervo mit viu Sunne, d Wöschchuchi isch teilt mitem Block u vorem Block hetts no e Füürsteu wo me cha höckle/grille.
Üs isch es familiärs zämewohne sehr wichtig, mau zäme znächtle, e gmeinsame fiumaabe, chli gsprächle ufem baukon, etc. Me seu chönne hei cho u sech woufüehle, da derzue ischs sehr wichtig für üs ehrlech sii zunenang u offe chönne z kommuniziere u fürenang da si.
Mir si im Februar zämezoge u dementsprächend hett üsi Irichtig / Deko, etc. no chli Verbesserigsbedarf, mr würde üs sehr fröie zäme mit diir d WG no chli heimeliger z gstaute.

Wär si mir?
- Shay -
Im Summr fingsch mi oft ar Aare, amene Flohmi odr d Natur am gniesse. Zum ga biwakiere odr fürne Usfluug sowie Gseuschaftsspiili bini o geng z ha. Zudäm reisi sehr gärn, am liebste verbunde mit go surfe. Ig bügle ire Bar u cha dr gärn o mau e Cocktail mixe ;)
- Flo -
ig bi oft im Rosegarte, gern im gym u ha sehr gern musik u gueti gspräch :) aktuell bini im kunst vorkurs u gniesses mit tolle mönschli ufem balkon es bier ztrinke u chli zphilosophiere

Steu doch o duu di churz vor u mr fröie üs, vo diir z läse :)